أسئلة المقابلة الشخصية

interview questions when to hire marketer

أسئلة المقابلة الشخصية

خلينا نتكلم عن أهم نقطة لما  تعمل مقابلة شخصية و تعين حد جديد في شركتك  خاصة لما تكون المهمة اللى هايقوم بيها محتاجة كتير من الإبداع الحماس الطاقة زى الماركتنج الإدارة العلاقات العامة

ممكن أسالك سؤال ؟ عمرك فكرت في الحد اللى بيزرع  زرعة في أرض مش مناسبة للنوع دا من البنات بانه حد ناجح ؟ أكيييد لا

بصفتي واحد من الناس اللى في فترة من حياتي وظفت مجموعة من اكتر الأشخاص الغير مناسبين لوظايف معينة و في فترة تانية في حياتي وظفت مجموعة من انجح الموظفين   اقدر أقولك  ” الزرعة المناسبة في الأرض المناسبة ” واحد من أهم مبادىء التوظيف اللى معظم البيزنس اونارز ما بيتبعوهاش و لما بنعين حد يشتغل معانا بحكم اننا بشر بنفكر بشكل عاطفي بعض الشىء و احيانا كل الشىؤ فبنعين حد لاننا بنحبه او بنعيين حد تاني لانه محتاج الشغل ,,, و النتيجة فوضى في البيزنس

طبيعي ان الموظف اللى عينته لان ظروفه صعبة
يكون مهمل و يسيب شغله و يعمل حاجات تانية
من البداية الموضوع كان واضح انه مساعدة مش شغل

النتيجة اللى بنحصل عليها لما بنعين حد تماما غير متحمس غير مبدع و احيانا بيكون واحد من الأشخاص المصابيين بنظرة اكتئابية للحياة , ولان شغله بيحتاج انه يكون العكس بيكون دورك انت انه تخليه كل 5 دقايق تصرف و يتحرك عكس طبيعته ما بينفعش السلوك ما بيتغيرش بشكل عكسي في كلمة ولا اتنين خاصة لما يكون الحد اللى بتغيره مش عايز التغيير دا  ( بيغضب , بنرفزك , بيحرق طاقتك ) فوضى في كل النواحي

مش بس كدا بيعمل مشاكل مع باقي اعضاء فريق العمل طاقة الشركة بيضيع جزء منها السبب الوحيد اللى عينت الشخص اللى بيحرقها كان انه يرفع الطاقة الإنتاجية للشركة مش انه يحرقها     ,

بعد فترة بيمشي بتعيين واحد  تاني بتبذل معه مجهود ووقت و احيانا بتصرف عليه فلوس و اول ما بيفاجأ بان أدائه بدأ يتحسن بيقولك زودني فلوس انا بعملك شغل كويس و بينسى تماما انه لولا ان الشركة هي اللى عملته كان زمانه لسه متدىء حتى اليوم

طبعا في بعض الشركات اللى في شكل منظمة أو corporation  بيكون في الـ التدرج الوظيفي مكان قائم لهؤلاء الأشخاص اما لو شركتك فعلا في حاجة للتنمية السريعة لكوادر تساعدك في التقدم ,, انت محتاج  professionals

و انت بتعيين  كوادر جديدة لفريق العمل حاول تعرف من أسئلتك
1- هل فعلا الشخص اللى قدامك عنده حماس للعمل ولا حماس انه يقبض مرتب أول كل شهر ؟
2- ليه هو عايز ينضم لفريق العمل  ؟ ايه النتايج اللى ممكن يحققها ؟
3- إزاى بيتعامل زمايله

ركز في إجاباته , الطريقة اللى بيكلمك بيها , هاتعرف كتير من وراء الكلمات