استخدام لغة الجسد في المبيعات
body language for sales ?
استخدام لغة الجسد في المبيعات
لغة الجسد واحد من المهارات الأساسية لاى marketer
في البداية أحب أوضح نقطة body Language استخدامها لا يقتصر فقط على التسويق و المبيعات body Language استخدامها في كل نواحي الحياة اللى بتتطلب اتصال مع آخرين من الجنس البشري علاقات عامة علاقات عمل علاقات عاطفية ,,, حتى و انت بتشتري مستلزمات بيتك من الماركتس و انت في النادى مع أولادك ممكن من خلال قراءة لغة الجسد تفهم اللى بيكلم ابنك او بنتك بيفكر في ايه ايه الكلام اللى جواه فعلا لدرجة كبيرة من الوضوح
و ليه بقولك كدا ؟ لان الكتير من عملائنا بيطلبوا يتعلموا يتعلموا لغة الجسد بس للتتسويق و احدهم قالى حرفيا انا عايز اتعلم body Language الخاصة بانى اسلم على العملاء بطريقة كلها قوة و بس ,,,
بالظبط زيه زي اللى بيقول للـInstructor في كورس لغة علمني ازاى اسلم على واحد تاني بالإيطالي و بس , طيب هاتعرف منين انه رد عليك السلام بسلام ؟
معظم الناس بتدرس , الـ body Language بنظام مستوى لقراءة الـ body Language و مستوى تاني للتحدث بالـ body Language و مستوى 3 للتفاعل بالـ body Language
إلا أنى عندى اقتراح في الـ body Language إيه رايك لما تتعلم تقرى نفسك
انظر للغة جسمك هاتعرف الكتير عن مشاعرك اللى أحيانا ما بيكونش واضح لك
هل كل ما تفتكر حد انت مرتبط بيه , او عميل عندك تفاجىء بإيدك بتتشبك او برجلك بتلف حولين الرجل التانية ,, او عميل تانى كل ما تفتكره تلاقي رجليك بترجع ورا ناحية الكرسي ؟
هل فكرت قبل كدا ان الناس دى بيتعاملوا معك بنوع من التحكم , و بسبب حالة الضعف اللى انت بتكون فيها لما بتتعامل معهم بتشبك ايدك كنوع من الحماية ؟ النفسية الداخلية ,
جرب اعمل الـ التمرين دا افتكر اكتر الناس اللى لما بتقابلهم بتدخل مناوشات و مجادلات معهم وراقب جسمك شوف هايتحرك ازاى
و للسبب دا انا لا اعتبر اى كورس بيخصص لغة الجسد في مجال معين انه قدم لها حقها ,,, , ربما يكون لضيق وقت الكورس اوكى الا انك لازم تعرف ان لغة الجسد لغة عالمية ,, كل الجنس البشري بيتكلمها و معرفتك بيها هاتساعدك تتحسن في البيزنس بشكل لما يخطر ببالك من قبل
طيب تعريف الـ body Language , هي لغة لها مصطلحات و معاني زى اى لغة الا انها غير منطوقة لكن تتم عبر حركات الجسد تعبيرات الوجه نبرات الصوت (تعريف غير علمي و دا كان أبسط تعريف قولتوا ووصل لكل الحاضرين في واحدة من ندواتي )
تعريف تاني للـ body Language , لو قولت لواحد ” فلوس “ منطوقة فالكلمة تعني نقود , عملات , وووو إن اشرت أى اشارة بهذا المعني فقد نطقت كلمة فلوس لكن بلغة جسمك
و لذلك بيطلق البعض على لغة الجسد اللغة الخفية ,,, و بالمناسبة هي لست خفية ربما تكون عمرك ما قريت عن الـ body Language في حياتك الا انك طول عمرك بتقول فلان دا شبه الأشرار و فلان كان قبل ما يدخل المكتب الشرا باين على وشه مع انه كان مبتسم ,, بالظبط
هي لغة احنا كلنا بطريقة فطرية بنستقبلها و بنحس بيها الا ان بيبقي صعب ننقل الإحساس دا لعقولنا فترجمها في هيئة كلمات محددة واضحة ,,,
في المثال اللى فات قولنا كان باين على وشه الشر ,,, لكن لو انت فاهم لغة جسد كويس هاتعرف اى نوع من انواع الشر ,,, ولا غضب و مقداره ايه و حدته و هكذا
و لما تقابل عميلك هاترسله لغة الجسد اللى انت تحب تقولها مش اللى بتخرج من جواك بشكل لا إرادى وتاثر سلبا على عمليات البيع بتاعتك
اهم نقطة احب انك تعرفها عن لغة الجسد , ان بتمكنك من لغة الجسد بتعرف عن المجتمع اللى بتعيش فيه العملاء اللى بتسوق لهم منتجاتك اللى ربما يكون العميل عمره ما قاله لنفسه ,,, فبتقدر تعرف اهم احتياجاته من تعاملك معه
فلما بتنزل منتج جديد بتكون فعلا بتنزل المنتج اللى عمليلك محتاجه
لو عرفت لغة جسد كويس هاتمكنك تكون افضل في
Marketing , Sales , Relationships ,
