التوظيف في مصر
hire in Egypt
التوظيف في مصر
اوكى اعترف , ربما تكون سمعتني بقولها قبل كدا اكررها تاني انا اشتغلت سنتين في حياتي كمصمم مواقع انترنت و الإعتراف هو ” انى كنت في حالة من الفوضي مع كل عميل بسبب الداتا كولليكشن ” لما بتصمم موقع المفروض بتنشر بيانات الشركة و منتجاتها و خدماتها على الموقع ,
و لأن مدير الشركة دايما عنده أولويات اهم منه انه يجمعلك بيانات الشركة فكان دايما بيفوض السكرتير , السكرتيرة أو أى حد في الشركة انه يسلمني الداتا
و في الغالب الداتا اما ماتعملتش قبل كدا فبالتالي محتاجين نجهزها او اننا محتاجين نعمل عليها تعديل و لان العملية دى بتاخد وقت و لأن كدا كدا الموظف عنده شغ بيعمله بشكل طبيعي كل يوم و دا شغل زيادة هو آه مهم للشركة لكن هو مالوش علاقة بمصلحة الشركة و دايما ” كان ياخدني على جنب و يوطي صصوته و يقولى انا موظف هنا مش صاحب الشركة و عندى عيال و بيت و عايز اروح بدري مالوش لازمة تسبب لى مشكلة بانك تقول انى ماخلصتش البيانات و يا ريت يعني لو تعملي معروف وتقول للمدير يخلى حد غرى يعملها “
كان بيتكرر الموقف دا و بعد حوالى 6 شهور و التعرض للموقف دا اكتر من مرة وصلت لقناعة ان لو صاحب الشركة ماعرفش مين اللى مقصر الداتا ما بتخصلش ابدا و بندور في سايكل مالهاش معنى
و لأنى احتكيت شخصيا و مازلت حتى اليوم بحتك بهذا النوع من الموظفين في شركات قطاع خاص فانا لا افترض باى شكل ان الشركة اللى بقابل فيها النوع دا من الموظفين مؤهلة انها تكون شركة عالمية ,,, لأن البيزنس ما هو إلا إطار و المحرك الأساسي و الدافع للنجاح فيه هو القائمين عليه و إذا كان تحملهم للمسؤولية بالشكل المرعب دا
اعتقد محتاجين نفكر من أول و جديد مين ممكن يشتغل و إيه الأسألة الجديدة اللى المفروض نسالها لما نعمل مقابلة عمل
في شهر أبريل 2009 قابلت شاب مصري عنده تقريبا 25 سنة من انجح الشباب اللى قابلتهم في الإنترنت على الإطلاق و انا باتكلم معه قال كلمة عرفت منها واحد من أهم مصادر نجاحه بسأله انتعندك كام موظف في الشركة قالى باستغراب موظف ؟
تقصد الـCrew بالا نترجم الكلمة دى تعني طاقم وه ي بتستخدم اكتر في السفن يعني لو حصل خلل في الأداء بتعني غرق للسفينة يعني مهمة Crew انهم يتكاتفوا بشكل ليس له مثيل لنجاح السفينة
هو دا الأداء اللمطلوب يكون عند الموظفين في شركتك و هو دا الموظف اللى لما بيتل بيه عميل يقوله تعالى استلم منى فلوس قبل ما اسافر عمرة أو اجازة الصيف حتى لو نايم بيصحي من النوم و يروح له بسرعة يحصل الفلوس قبل ما يسافر و الشركة تتعرض لمتأخرات في الدفع , من غير ما مديره يضغط عليه , من غير ما يمشي في الشركة رايج جاى يقول شوفو انا بعملكم ايه من غير اى هيديك بيعمله
هو دا اللى لما بتكون الشركة في مشكلة ما بيقدمش استقالته بل يعتبر الشركة معسكر عمل لحد ما الشركة تعدى الأزمة و بيكون سعيد انه ساعد في نجاح الشركة ومش منصب بالتفكير على يا ترى هاخد كام على الشغل الكتير و لانه مهتم بالكتير فهو مركز على الكم و الكيف عنده بيقع
شايف الفرق بين النوعين دول من البشر ؟ شايف المايند سيت ما بين كلمة موظفين وما بين كلمة طاقم ؟
عنوان الفيديو التوظيف في مصر , و انا شايف انه ممكن يكون التوظيف في العالم
و انت بتعين موظف جديد الأيام الجاية عايزك تضع على الاقل نصف تركيزك في التفكير في إجابته على سؤالك , عايز تكون موجود معانا ليه ؟
نتقابل الفيديو الجاي
