بيزنس ديفلوب منت
Business Development and Enterprise – Egypt
business rituals for entriperneurs
بيزنس ديفلوب منت
من وجهة نظري الشخصية واللى أطالب بتعميمها باى شكل ان اكبر مشكلة بتواجهنا احنا الناس اللى بتعمل بيزنس تحت 5 مليون جنية و اللى فعلا بتمنعنا احيانا من تحقيق كل النجاحات اللى قدراتنا بتساعدنا اننا نقوم بيها هي
The framework
الإطار و هنا ما بتكلمش عن الإطار اللى بنعيش فيه و هانتكلم عن حال البلد و الزحمة و المواصلات و التسهيلات اللى بناخدها كصغار مستثمرين و أصحاب شركات
لا انا هاتتكلم في الفيديو دا عن الإطار اللى احنا بنعمله بنركبه بنجمعه بنحيط بيه أنفسان و بعد كدا بيكون هو حياتنا هو دا فعل الإطار اللى بيبنينا أو بيهدنا
انا واحد من عشاق اى كورس او معلومة بتتكلم عن إدارة الوقت الوقت اللى فعليا هو المسطرة الحقيقة الوحيدة اللى بيقاس بيها انجازتنا , حققت التارجت الشهريا في يوم ولا اسبوع و سنة ؟ كلهم حققوا التارجت الا ان واحد منهم عبقرى والتاني ممتاز اما الثالث الشركة لازم تطرده
سنة 2002 اتصلت بابن عمى ازيك يالا نخرج قالى انت فين ؟ جنبك هنا في الهرم , قالى جميل جدا بعد بكره الساعة 8 و نصف مساء ؟ كويس الميعاد دا ,,,, هالوووووووووو بقولك نخرج انهاردة بع ساعة او ساعة و نصف , أحمد مشغول جدا انهاردة و بكره لو تحب تيجي تتغدى معايا اوكى نخرج لا
اول ما قابلته سالته انت كنت مشغول فعلا ؟ ابتسم و قالى انا بعمل نمط في حياتي و هي انى التزم بمواعيدى و كل اللى بيتلزموا بمواعيدهم لازم يعرفوا ان الميعاد التزام يعني المفروض يكون معروف و محدد بوقت قبله و موجود في إطار
دى كانت اول مرة افكر في كلمة إطار , و انك ممكن تصمم إطار تبني الإطار و كل حاجة في الإطار تشتغل اوتوماتيك ,,, زى مدير بني شركته على الإلتزام و الدقة هو ما بيحتاجش يسال كل واحد من فريق العمل بعد كدا ها ايه الاخبار عملت كذا ولا لا
الفيديو اللى فات اتكلمنا عن بعض الطقوس الصباحية اللى هاتزود انتاجتيك و أداءك طول اليوم اما الفيديو دا هانتكلم عن الإطار و ليه بنتكلم الأتنين مع بعض
لأن عادات الصباح الجيدة بتعطيك طاقة طول اليوم ( نسية , بدنية , ذهينة )
اما الإطار يعتبر اللى بيحدد اتجاه مش بس يومك كمان حياتك بتسير في اى اتجاه
في نقاط في حياتنا بنعتقد في مراحل معينة اننا غير قادرين على ادئها مع ان قدرتنا بتسمح لنا بل ممكن نكون من التميزين فيها ( فضلت لـ15 شهر بابحث عن مصمم يعملي ديزين لموقع انترنت ) لانى كنت في وسط مجموعة من الناس اللى الاطار الذهني بتاعهم بيقول ان علشان تعمل اى بانر اى جرافيكس لازم تكون خريج كلية فنون جميلة
لما كسرت الإطار ودخلت في إطار تاني بيقول ان اى شىء يمكن تعلمه حتى الفن اشتغلت لـ تقريبا 5 سنين مصمم جرافيكس
جربت مرة واحدة في حياتك تكتب على ورقة بيضا اهم 5 بنود محتاج علاقات فيهم في حياتك و بعدين تكتب تحت كل بند اسم اى حد تعرفه ممكن يكون من أدقائك امقربين في البند دا ,,, ففوجئت بان نصف الناس اللى بتقابلهم بصفة مستمرة مش موجودين , مش موجودين ولا حتى في البنود اللى زي ” نخرج مع بعض , ندردش دردشة ظريفة هادية”
واحد من الناس الناجحين المتفائلين جدا كتب في موقعه أنه طوال عام 1999 كان بيقابل وبيتعرف كل يوم على ناس محبطين جدد و طوال عام 2001 كان بيتعرف على ناس متفائلين ناجحين جدد يا ترى عرفت يعني إيه إطار
في إطار من العلاقات الإجتماعية أول ما بتفكر في مستقبلك بشكل إيجابي بيرد عليك يقولك مستحيل و بالتالى افكارك الكويسة كلها بتحذف من دايرة التنفيذ و في إطار من العلاقات الإجتماعية أول ما بفتكر في فكرة حتى لو اخترت ماتنفذهاش بيحمسك و يساعدك و لو تطلب الامر بيعنفك علشان تنفذها
يالا نعمل التمرين البسيط دا
امسك ورقة بيضا اقسمها نصين النص الأول
اكتب قايمة فيها مواصفات الإطار اللى انت محتاجه في حياتك
تفائل إيجابية , حماس , ناس محبة للخير , خبراء في مجال معين , رياضة , الدين
في النصف
اكتب قدام كل صفة اسم واحد انت تعرفه فعلا مميز في الصفة دى
هايتبقى عندك في الورقة جزئين صفات مافيش قدامها أشخاص ,,, فكر إزاى تكتسبهم
و أشخاص انت تعرفهم مالهومش صفات من اللى انت محتاجها في حياتك
في تمرين تاني ممكن تتعلم إزاى تسقط الأشخاص اللى ارتبط بيهم على مدار سنين و ما كسبتش منهم إلا الإحباط و اليأس ,,, إلا انى اعتقد انك مش محتاجه باى شكل القرار قرارك
نتقابل الفيديو الجاى
