في سؤال بسيط انت بتعين مندوب تسويق ولا مندوب مبيعات ؟
are you hiring marketer or salesman?
في سؤال بسيط انت بتعين مندوب تسويق ولا مندوب مبيعات ؟
اشتري منتجاتي , دا أفضل منتج عندنا , يالا اشتري
هاى , انتظر لحظة . ممكن تفكر معايا لثواني , لو قابلت واحد مايعرفكش ماقبلكش قبل كدا ؟ قولتلوا عندى منتج بـ 5 آلاف جنية ممكن تشتريه ؟ قالك ايه المنتج الى بتبيعه ؟ قولتلوا هاتشتريه ؟ طيب يعني هاستفيد منه ايه ؟ طيب بس ممكن تدفع ؟
تعتقد لو حاولت تبيع لعشر أشخاص بالشكل دا هاتكون نسبة المبيعات كام 1-10 ؟
اوكى انا متفق معك ان تصوير الفكرة مبالغ فيه بعض الشىء
و متفقك معك في ان الفكرة نفسها بتتكرر باكثر من شكل
كل الناس على الإطلاق ما بتبحبش تدفع فلوس , و أسهل طريقة لعملية بيع ناجحة هي انها تكون عملية مقايضة اكتر منها عملية بيع ,
في النهاية كله بيادى للبيع , بس في حملة إعلانية بتقول للعملاء المستهدفين فيها ادفع فلوس و حملة تانية بتقوله فيها انت هاتحصل على الممميزات التالية و اللى فعلا بتخاطب احتياجاتك بس هانعمل عملية مقايضة بسيطة انت هاتحصل على المميزات دى مقابل مبلغ معين من المال ,,, فكر فيها بالشكل دا ,, هاتجد انها مقنعة لك انت شخصيا
أيا كان اللى هاتعينه جديد في شركتك مندوب تسويق ولا مندوب مبيعات ,لازم تفهمه كويس الفرق أن النجاح في البيزنس بيحصل لما بتفهم احتياجات عميلك بشكل كويس و إزاى تعرض المنتج بالشكل اللى يناسب احتاجات العميل و من البداية كيف يصل للعميل المستهدف بالشكل الصحيح , إزاى يكون واثق منه نفسه ,
على سبيل المثال لو انت بتبيع موبايل بلاك بيرى : و بتبيع الموبايل لشاب أو لسيدة أو لرجل أعمال من الخطأ انك تعرض لـ 3 نفس المميزات بنفس الترتيب كل واحد منهم عنده احتياج مختلف و الصح انك تركز على احتياجات كل واحد و تتعامل معها منفصلة
و إلا هايكون من المضحك انك تكلم راجل الأعمال عن كام جيجا مالتيمديا ممكن يخزنها في الموبايل و من المضحك ايضا انك تكلم شاب الثانوي الى اى مدى ممكن يستخدمه في شغل و تكلم السيدة إلى اى مدى الموبايل تصميمه قوي رجالي
من وجهة نظري الشخصية أهم نقطة ممكن يركز عليها أى حد بيشتغل في التسويق انه ازاى يعرض مميزات منتجه اللى بتشبع رغبة أساسية عند عميله و يتأكد ان الرسالة وصلت فعليا للعميل مش مجرد سمعها و قال اآه منافسك لسه قايلى نفس الكلمتين من شوية
