كيف تصبح من هؤلاء المحترفين

Crew Vs Employees

عندك كم موظف في شركتك  ؟ جاوبني ؟ Crew ?
كانت إجابة رائعة من مدير ناجح

دا محترف  بمعني الكلمة  ليه طيب ماعينتوش ؟
انا عايز ناس عندها حماس في الشغل يا احمد
إجابة ائعة من مدير ناجح جدا في سن صغير

في شركات أول ماتدخل الشركة تشوف كل الموظفين هادييين مرعوبين بيهمسوا لبعض دايما و كلماتهم كلها إيحاءات و إيمياءات و دايما لما بيكون في مكتب مديره بيكون في حالة من الخوف الخفية

انا عرفت سببها إيه
التقصير
هو لو محترف بيستغل كل دقيقة من وقت الشركة فى تحقيق نجاحات للشركة و إنجاز مهام لما هايقف مع مديره في الشركة و لا يتكلم معه ما هيكونش عنده اى نوع من الخوف خاصة ان حتى لو مديره طرده لاى سبب انفعالى جواه  ,  لأنه محترف  و بيقوم بشغله بكل إخلاص و امانة هايعرف في خلال أيام يتعين في شركة ممكن تكون افضل من اللى هو موجود فيها اليوم

لكن ولا الموظف بيفكر بالطريقة دى و بيفضل الخوف و التقصير , ولا المدير بيفكر يعين ناس كفاءات و بيفضل الموظف المقصر المرعوب ,, أكيد بيشبع حاجة غلط جواه
و إلا ماكنش يقبل النوع دا من الموظفين في فريق عمله

الفيديو دا بقدم نصيحتين واحدة لو انت موظف في شركة كن أفضل حد في مكانك و اتعلم كل يوم معلومة جديدة و طبقها حسن من ادائك وجودك في مكانك أيا كان امانة و لازم تحافظ على الشركة اللى بتدفعلك مرتب اول كل شهر
و الثانية لو انت مدير و عندك فريق عمل , الوقت بيعدى و العمر بيعدى قوانين اللعبة بتتغير , اهتم بانتقاء أعضاء فريق العمل يتحسن انتاج شركتك تزيد ارباحك ربما مايكونش عندك وقت ولا طاقة بعد عشر سنين انك تقوم بالتطوير

خليني احكيلك حكاية عن واحد من أصدقائي الناجحيين جدا , حكى لى مرة انه من خمس سنين تقريبا كان بيمر بأزمة مالية و عرض عليه أحد المعارف وظيفة ممتازة في شركة عالمية , استلم الشغل فوجىء ان شغله عبارة عن مراجعة اوراق معينة , قال لمديره انا عارف كويس ان دى وظيفة مريحة آلاف  و ربما ملايين بيتمنوها إلا ان حياتي مش انى انقل الورق من هنا لهنا ,,, انا لو بعد 3 سنين اشتغلت في شركة تانية هاكون اسوا موظف انا مقدرش اعيش كدا

هي دى عقلية المحترفين
اللى بيعتبر نفسه موظف عندك ومن حقه يقبض مرتب بس
لو هايحقق نجاحات لك و لفريق العمل

اعتقد جه الوقت اللى لازم نودع فيه نوع الموظفين اللى بيرفع سماعة التليفون الأرضي و بيقفل الموبايل و تكلمه تساله انت فين يقولك ان مسافر وهو مشغل المروحة قدام التليفون و بيسحب البطارية و التليفون شغال فلما تتصل بيه يقولك خارج نطاق الخدمة

لكل شىء متطلبات و ابسط متطلبات النجاح في شركتك ان يكون فريق العمل بتاعك
مجموعة من المحترفين مش الموظفين

يالا نعمل التمرين البسيط

اكتب أعضاء فريق العمل بتاعك
تخيل انك هاتفتتح شركة جديدة
اكتب مواصفات مميزات و عيوب كل واحد منهم
اكتب في أسفل الورقة مين منهم اللى هايكون مساعد لنجاح الشركة الجديدة لو بقى معك

هو دا النوع من الموظفين آسف المحترفين
اللى المفروض يكون في شركتك الى لو احتجت تنجح 5 شركات تانية لازم يكون موجود و مساهم في النجاح في كل واحدة