هاقدملك نصيحة نصيحة واحدة , هاتعمل فرق كلي في يومك

entrepreneurship in egypt
morinig rituls

أحمد محيى الدين من DUI

لو هاقدملك نصيحة نصيحة واحدة , هاتعمل فرق كلي في يومك

اهتم بالساعة الأولي من يومك يهتم يومك بيك
هاشرحلك بالتفصيل ازاى

دى كانت النصيحة اللى اعتقدت بطريقة خطأ ان تطبيقها بيوصلني لاداء ممتاز بشكل خاص و انها ماتنفعش تطبق بشكل عام لحد ما كنت في كافيه مع واحد صاحبي و سالني طيب إيه أفضل نصيحة تقدمهالى ؟ قولتها  و بعدين افتكرت انها ربما تكون مش فعالة قوي على أى حال قولت انتظر أسبوع  و أشوف النتيجة

إلا انه بعد يومين بالظبط كلمني في التليفون و قالى متشكر

بعدها بدأت أقولها لكل اللى اعرفهم  و النتيجة ممتازة , بدات انزلها ضمن البرامج التدريبية اللى بقدمها النتيجة ممتازة واحد بس هو اللى ماجابتش معاه نتيجة و قالى ماحبتش اجربها ,,, يعني ما جربتهاش , ايوا ماجربتهاش ليه ؟ كدا ,, اوكى

و قبل ما اقولك ازاى تطبق القاعدة دى احب اقولك انى بطلتها لمدة 45 يوم لانها رفعت عندى الاداء و الطاقة بالمستوى انى بدات افكر و اخطط لمشروعات و تطبيقات انا متأكد ان ماعنديش وقت اطبقها    ( بعتبرها فعليا الحل السحري للمسوقين )

في 3 نقاط أساسية 90-95% من اللى بيشتغلوا في التسويق ابتداء من مندوبين التسويق لمديرين المبيعات لمديري المنطاق بيعانوا منها
1-  إجهاد نفسي معظم اليوم
2- إحساس بالصداقع أوقات كتير
3- بيروح البيت و هو فعلا مش طايق يسمع كلمة من اهله

يالا نتكلم بالتفصيل

1- النقطة الاولى اتعلمتها من تونى روبنز أول ما تصحي من النوم الصبح اشرب 1\2 – 3\4 لتر مياة
2- افطر وجبة غير دسمة و لكن مغذية  خلى فيها خضار فيتامين اى نوع بروتين
3- اخرج بره البيت امشي لمدة 10-15 دقيقة
4- ارجع البيت خد شاور
5- اقرا 10-15 دقيقة عن شغلك انهاردة

هاتستغرق منك حوالى60 دقيقة لكن هاتديلك باور طول اليوم

طيب إيه علاقة دى الطريقة دى بالمشكل اللى طرحناها , هي ان معظم مديرين التسويق شغلهم صعب بيحتاج مجهود كتيير لما بينهي يومه بيحتاج ياخد رست شوية و بعدين بيبدأ يكون فريش ,,,, فبيخرج مع أصحابه و بياكل او بيكون مع اهل بيه و بردوا بياكل و في الغالب لانه ماتغداش طول اليوم فبتكون الوجبة المسائية الغدا

بعد ساعة تقريبا بينام بيصحى من النوم الصبح المعدة ماحرقتش الأكل اللى جواها و ماتحركتش لانه لسه ماتحركش ولا بدأ يومه فجسمه ما بيتقبلش اى اكل …ز  و لانه ما اكلش و الجسم بيحتاج اكل الصبح فبعد ساعتين -3 ساعات المخ بيصدع  بعد كدا حتى لو اخد فطار في الشغل الجسم ما بيلحقش يهندل الاكل و بيقعد الصداع فترات

طيب المخ اللى بيعاني من الصداع هل بينقل للجسم أحاساسيس سعيدة ؟ اكيد لا فبالتالى بيكون اليوم مجهد بعض الشىء ,,, و لانك بتصحي من النوم بتلبس و تخرج على الشغل فانت  نفسيا بتعتبر لسه ماصحتش من النوم ,, اول موقف بيقابلك بيقابك وانت نفسيا مش مود مرتفع عندك بعض الصداع او الدوخة البسيطة فبتنفعل معاه انفعال ما بقولش انه مبالغ فيه بس كان ممكن تكنترولوه لو انت  في قمة طاقتك و لانك انفعلت الانفعال دا فانفعال ورا انفعال و بتصل احيانا انك تسيب ميعاد مهم و تقف تهتف لواحد بالعربية كسر عليك في الزحمة

طيب اللى بيحصل لما بتعمل ال5 خطوات  اللى فاتوا بنفس الترتيب كالىتي انت بتشرب مية فبتحرك معدتك  و بتنبه جسمك ان يقوم بعملياته الحييوية بشكل كويس
بتاخد فطار وبجبة مغذية غير دسمة بتزود جسمك بالطاقة لما بتخرج تمشي عشر دقايق -15 دقيقة الصبح تنبه روحك و جسمك انك بدات يومك

كدا تقدر تقول فعلا انك صحيت من النوم منتعش
بتروح شغلك من غير صداع , كارفك النفسي في معدل مرتفع , و لانك عملت اعداد و قريت 10-15 دقيقة في بداية اليوم ذهنك بيكون حاضر , بتتعامل مع المشاكل بمنطقية و ببساطة و بهدوء

جرب الطريقة دى و اديني رأيك ربما يكون عندي ليها اضافات اعمق
تادى نتيجة أفضل ان شاء الله