يعني إيه استهداف العميل ؟؟
السلام عليكم ورحمة الله و بركاته
يعني إيه استهداف العميل ؟؟
و ليه بنقول استهداف العميل بدلا من استهداف السوق Market targeting لأن السوق مالوش رغبات ما فيهوش احتياجات لكن السوق فيه أفراد و مجموعات لها نفس الانواع المشتركة من الرغبات و الاحتياجات اللى لما تقدملهم المنتج المناسب و توصلهم رسالتك إلى مدى المنتج هايشبع احتياجاتهم هايشترى منك الأفراد و اللى بيكونوا مجموعات و اللى بيكونوا الأسواق
و بنقول استهداف العميل لان مجرد معني انك بتستهدف شخص عنده حاجة معينة هاتشبعها بيسهلك كتير جدا في عمليات التسويق و الميعات
على سبيل المثال , لو سألت حد من اللى بيتهدفوا الأسواق مين التارجت بتاعك هايقولك
السوق فيه 20 – ألف شخص من اللى بيمتلكوا عربييات bmw و هايبدأ يوصفلك مواصفات كتير هي فعلا موجودة عندهم إلا أنها مش المحرك الرئيسي لرغبات البيع و الشراء على سبيل المثال لو واحد عنده عربية BMW عايزك تسال نفسك سؤال هو اشترى النوع دا من العربيات حبا في ( السرعة – القوة – الأمان – الرفاهية – الشياكة – البرستيج ) ؟ هي دى الرغبات اللى ساعدته يشترى العربية
اما لو سالت حد من اللى بيستهدفوا العملاء هايقولك انا عندى 20 ألف عميل بغض النظر هما بيعملوا ايه في حياتهم و اللى عاى لو عرفتها اما اللى مهم ليا اعرف ايه اللى بيحركهم و دى الرغبات اللى موجودة جواهم على سبيل المثال ( البرستيج – التميز – الرفاهية )
فبكدا لما يصمم حملة إعلانية او يعمل مقابلة مع عميل لبيع العربية ما يبداش المقابلة بانه يقوله احنا الشركة الأولى في العالم ( العميل بيفكر في و انا مالى انا هادفع نصف مليون جنية لانكم الشركة الأولى في العالم ؟ كوكاكولا الشركة الأولى في العالم في المياة الغازية ) لكن تبدأ المقابلة بـ العربية بتاعتنا راكبها عدد و ليكت 5 آلاف واحد من 80 مليون واحد و دا يعني التميز و عملائنا معظمهم بيشغلوا وظائف مرموقة و و و فبتدا تخاطب في الحاجات اللى بتحركه و اللى ممكن تخليه يعيش عمره مشترى منتجات لإشباع كافة الاحتياجات اللى انت عرفتها عنه
أيام الجامعة , كنت برتكب خطأ فظييع جدا في علاقاتي الإجتماعية , كنت دايما بكلم زمايلى عن موضوعات تقنية مش عايزين يتكلموا عنها , و بحكيلهم عن نتايجها من تقدم تكنولوجي و دا كمان مش عايزين يعرفوه
بعد الجامعة اتعلمت درس كويس جدا من كتاب the art of connecting إن الناس اللى مختلفة معك ربما تكون متفقة معك إلا أن شكل الإختلاف هو اللى بيكون مختلفة و شكل الاتفاق هو اللى بيكون متفقيك ” فيلسوفوي شوية ؟
بشكل أبسط , ربما لو كنت كلمتوا عن Oracle اللى من ثواني معدودة ماحبش يسمع نها كلمة و قولتوا بعد ما بتتعلم الـ oracle مرتبك ممكن يوصل مثلا 10 آلاف جنية في الشهر كان هايركز كتييير , خاطبة فيه حب المال , و لو بدل ما اقوله البرنامج معقد كلمته عن إلى أى مدى ان محترفين النوع دا من برامج قواعد البيانات مطلوبين لوظائف ممتازة كان هايسمع بشكل كافي لو كنت استخدمت كلمة زى البرنامج دا ” جامد ططحن , كان هايحب يسمع إيه اللى بعد كدا ” دا اللى انا بعمله بعد كدا و اللى احب انك تعلمه و ماقصدش بكدا لو قابلك عميل مستواه Under شوية انزل معاه لانك لو مستهدفه صح من البداية اكيد هايكون في نقاط كتيرة تجذبه للتعامل معك من خلالها
عرفت ليه بنقول استهدف عملاء ماتستهدفش أسواق ؟
استهداف العميل هو اللى من خلالها تجذب الانتباه و بتجذب العميل و بتحقق مبيعات
اما استهداف الأسواق فهو بيكلفك كتير في الإعلانات في نفس الوقت اللى بيبعدك عن التفكير من منظور مين العميل و ازاى اشبع احتياجاته
