Copywriting أهمية ال
advertising copywriter
قبل ما نتكلم أهمية ال Copywriting و مين يقوم بـ Copywriting بالطريقة الصحيحة و أصلا فايدتها ايه خلينا نتكلم عن يعني ايه Copywriting
Copywriting : هي انك بتستخدم مجموعة من الكلمات و الأفكار و المعاني بطريقة احترافية للترويج لمنتج أو خدمة أو سلعة و يمكن استاخدامها كما هو الكلمات المكتوبة في الإعلانات الصحف و الجرائد أو الإعلانات المكتوبة على الإنترنت أو الكلمات المكتوبة في صفحات العرض للمنتجات على الإنترنت و يمكن القول في بعض الأحيان بأن Copywriting يمكن استخدامها في كافة الأنشطة التسويقية للشركة
طبعا من اكثر استخدامات Copywriting انتشارا كتابة شعارات الشركة ,
عناوين الحملات الإعلانية , العناوين العريضة للتسويق في صفحات الإنترنت
طيب مين الحد الى ممكن يقوم بدور الـ Copywriting عندك في الشركة أى حد موهوب في كتابة الكلمات الرنانة + دارس تسويق بشكل معقول + يعرف عن الشركة و الأنشطة اللى بتقوم بيها و بتوجه الإعلان دا لمين بشكل كويس
وو إياك تقع في الخطأ انك تكتب كلمات للإعلان عن شركتك لمجرد انها كلمات رنانة ربما تكون تماما معاكسة لرغبات عميلك
” نفرتض انك بتعمل إعلان في الجرنال تسوق لفيلل في منطقة لسه جديدة , و كتبت في الإعلان مثلا ” حينما يكون كل شىء في متناول يدك من المدارس صباحا للحفلات و أماكن التجمعات ليلا ” تقريبا كل اللى هايهتم بالتفاعمل مع الإعلان دا هايكون جد فعلا عايز يسكن بينما العميل المستهدف الصحيح من منطقة لسه بتتبني جديد المفروض بتخاطب فيه ان دا افضل استثمار للمسمتقبل , سكن المستقبل , الأسعار هاتغلى فلو بعتها هاتكسب
في باحثة تسويقية على الفيس بوك مرة عملت تدوينة قالت فيها
عيش الحلم اتذكرت في اى اعلان ؟
ففوجئنا بأن أكثر من 10 أعلانات مذكور فيها نفس الكلمة
في الوقت اللى فيه انا شخصيا ما عرفش اى حد ممكن يهتم بالاستثمار في الأحلام بل عندهم رغبات جوا الحلم نفسه يحققها بعينها في الواقع فكان الأفضل انه يخاطب الرغبات دى و ليس الحلم اللى يحملهم
و دا السبب انى بقولك اختر الكلمات اللى بتكتبها بعناية , صممها بالطريقة اللى تخاطب مشكلة معينة عند عملائك و حلها في المنتج اللى بتقدمه
في نقطة تانية مهمة جدا , خد بالك كويس من المكان اللى هايتعرض فيه إعلانك حتى لو نفس عميلك موجود فيه و في مكان تاني اكتب لكل واحد منهم إعلان مختلف , على سبيل المثال لو إعلانك عن برامج سياحية هايتوزع كبروشورز على الناس في النادى حاول تضيف عليه بعض الشىء انه هايكون في برنامج رياضي جوا المصيف اى نوع من انواع رياضات المية , خاطب فيه حاجة هو بيحبها ,,, لو اعلانك هايتوزع على طلبة جامعة خاطب فيهم تغيير الملل و صداع الامتحانات , لو نفس البرنامج هايتوزع إعلان في او هايكون له إعلان في منطقة فيها شركات كتيرة خاطب فيهم كره الروتين و الإرهاق من العمل خاطب فيهم غير المود علشان تعرف تدى في شغلك اكتر
الإعلان الواحد للعميل الواحد بالحاجات الواحدة
حتى لو منتجك فيه فرصة لإشباع عشرات من الحاجات
البشر بيتحمسوا للشراء لإشباع رغباتهم ,, فحدثهم عن كيفية إشباع هذه الرغبات
